Ég er að hugsa um að selja nokkra tölvupósta. Þetta eru stórskemmtilegir tölvupóstar sem ég hef skrifað og ætla ég að selja þá á vægu verði, kannski litlar 10 krónur.
Þetta er auðvitað ekki í frásögur færandi út af fyrir sig.
En ég velti fyrir mér hvað stuðningsfólki óheftrar dreifingar á stafrænu efni gerir. Ég þykist vita að flestir séu andvígir því að hnýsast í tölvupósta og önnur samskipti einstaklinga í leyfisleysi. En á sama tíma finnst þeim allt í lagi að dreifa öðru efni frá fólki í leyfisleysi.
Þannig að…
Ætla þeir að taka tölvupóstinn minn og dreifa áfram án minnar heimildar? Það væri ansi gróft brot á fiðhelgi einkalífsins, ef ég skil rétt.
Eða ætla þau að dreifa áfram í leyfisleysi af því að ég verð svo vinsæll? Eða vegna þess að þeir geta ekki keypt hann eftir öðrum leiðum? Eða vegna þess að ég verð bara að sætta mig við að heimurinn er svona og það er bara allt í lagi að dreifa þessu í leyfisleysi?
Spyr sá sem ekki veit. Og sá sem ekki skilur rökin fyrir að taka efni í leyfisleysi.
Valgarður Guðjónsson 
Hvað þarf ég að borga þér fyrir niðurhal mitt og lestur á þessu bloggi þínu? Hvað kostar það mig að benda öðrum á það?
Ekkert, enda kemur hvergi fram að það sé varið höfundarrétti.